*hok/o UV

*hoko

1.
Kurbigita, ĝenerale pinta ferpeco, uzata por altiri al si ion aŭ por pendigi ion sur ĝi: la blanka vesto, kiu pendas tie sur la hoko [1]; pendigu vian mantelon sur la hoko; kurbiĝu hoko laŭ postuloj de l' loko PrV ; faru kvindek orajn hoketojn, kaj kunigu la tapiŝojn unu kun la alia per la hoketoj [2]; sur la breto sub la vesthokaro kuŝis vintra ĉapo [3]; [la kajerojn mi starigis] inter la ŝtipojn kaj per la fajrohoko (fajrostango) taŭzis la foliojn [4].
a)
Pordhoko: pordo turniĝas sur sia hoko, kaj maldiligentulo sur sia lito [5]; la pordoj de la preĝejo knarante turnas sin sur siaj hokoj [6]; la pordo deleviĝis de unu hoko kaj pendis tiel malrekte [7].
b)
Fiŝhoko: ankoraŭ la ezoko ne estas sur la hoko PrV ; la fiŝkaptisto ĉiutage ĵetis en la maron sian fiŝhokon kaj tiel li kaptadis kaj kaptadis la fiŝojn [8]; (figure) ruzulojn kaj kanajlojn [...] mi kaptadis sur hokon [9].
VD:agrafo, kroĉilo
2.
TIP Hokforma kromsigno: VD:hoketo
1. H. C. Andersen, trad. L. L. Zamenhof: Fabeloj, vol. 2, Neĝa reĝino
2. trad. L. L. Zamenhof: La Malnova Testamento, Eliro 26:6
3. Mihail Bulgakov, trad. Sergio Pokrovskij: La majstro kaj Margarita, ĉap. 4
4. Mihail Bulgakov, trad. Sergio Pokrovskij: La majstro kaj Margarita, ĉap. 13
5. trad. L. L. Zamenhof: La Malnova Testamento, Sentencoj 26:14
6. H. C. Andersen, trad. L. L. Zamenhof: Fabeloj, vol. 1, Kupra porko
7. H. C. Andersen, trad. L. L. Zamenhof: Fabeloj, vol. 2, Malbela anasido
8. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Fiŝkaptisto kaj lia edzino
9. N. V. Gogol, trad. L. L. Zamenhof: La Revizoro, Akto kvina
angle:
hook
beloruse:
крук, гак
bretone:
1.a mudurun 1.b higenn 1. krog
bulgare:
1. закачалка
ĉeĥe:
hák, háček na ryby, skoba
ĉine:
剳 [dá], 鉅 [jù], 鉤 [gōu], 鉤子 [gōuzi]
france:
1.a gond fajro~o: tisonnier. 1.b hameçon 1. crochet
germane:
Haken 1.a Angel (Tür) 1.b (Tür)Angel 1. Kleiderhaken 2. Häkchen
hispane:
anzuelo 1. garfio, gancho
hungare:
1.a sarokvas (ajtón) fajro~o: piszkavas. 1.b horog 1. horog, kampó, akasztó
itale:
1.a gangero, cardine 1.b amo 1. gancio, uncino
japane:
鉤 [かぎ], フック [ふっく], 釣り針 [つりばり]
katalune:
ganxo, garfi, perxa 1.a frontissa fajro~o: atiador. 1.b ham ankoraŭ la ezoko ne estas sur la ~o: no venguis la pell de l'ós... (sense haver-lo mort).
nederlande:
haak
pole:
1. hak
portugale:
anzol 1.a dobradiça 1. gancho, gafa
ruse:
крюк, крючок
slovake:
háčiť, ťažkosti
svahile:
chango
tibete:
ལྕགས་ཀྱུ་
ukraine:
гак, завіса

hoka

Kurba kiel hoko: hoka nazo; Migra falko [...] ofte rompas la kolon de kaptito per sia akra hoka beko [10].
10. Vikipedio, Migra falko
angle:
hook, hooked
beloruse:
крукавы, гакавы
bretone:
krogek, kromm ~a nazo: fri sparfell.
ĉeĥe:
opatřený hákem, zahnutý
france:
aquilin, busqué, crochu, recourbé
germane:
Haken-, hakenförmig, hakenartig, hakig ~a nazo: Hakennase.
hispane:
ganchudo, -a, curvo (como anzuelo)
hungare:
horgas, kampós
itale:
a uncino
japane:
かぎ状の [かぎじょうの], かぎの付いた [かぎのついた]
katalune:
ganxut, corbat
nederlande:
haakvormig, krom
pole:
haczykowaty
portugale:
adunco, curvo (como anzol)
ruse:
крюкообразный , крючковатый
slovake:
hákovitý, zahnutý
ukraine:
схожий на гачок, гачкуватий

hoki

(tr)
1.
Kroĉi per hoko: hoki fiŝon; magia fiŝhoko, kiu nur apartenas al la plej saĝa homo, kion vi volas, tion ĝi hokas [...] tuj post lia alvoko, fiŝo jam estas hokita [11].
2.
Fari hokforma: la fuliko havas parte lobojn en siaj longaj fortaj fingroj kiuj kun la verdecaj kruroj hokas dumfluge [12]. VD:arkigi, fleksi 1, kurbigi
11. Wei Yubin: Ravema Fiŝkaptisto , Penseo, n-ro 167, p. 4a
12. Vikipedio, Nigra fuliko
angle:
hook
beloruse:
1. лавіць на крук 2. надаваць форму крука, курчыць
ĉeĥe:
chytat (ryby) na udici
ĉine:
1. 引上鉤 [yǐnshànggōu], 掛…於鉤上 [guà...yúgōushàng]
germane:
1. haken, anhaken, einhaken, festhaken 2. biegen, beugen, krümmen
hispane:
1. enganchar
hungare:
1. kihorgászik, beakaszt (horoggal), megfog (horoggal)
itale:
1. agganciare, uncinare 2. incurvare (piegare)
japane:
引っかける [ひっかける], 釣る [つる]
katalune:
1. enganxar, punxar 2. corbar
nederlande:
1. aan de haak slaan
pole:
1. haczyć, zahaczać
portugale:
1. fisgar
ruse:
1. поймать на крючок, зацепить крючком
slovake:
zavesiť na vešiak

hoketo

1.
Malgranda hoko: faru kvindek orajn hoketojn, kaj kunigu la tapiŝojn [13]; granda fiŝo englutis la hoketon [14]; (figure) Eskil tuj kaptis la hoketon (instigon) kaj demandis, kiu ludis [15]; la ŝloshoketo elingiĝis [16].
2.
TIP Hokforma signo (✓): marki per hoketo la detalojn de la preĝo [17].
a)
Ronda hokforma kromsigno kiel tiu super u ĉe Esperanta litero ŭ, unikoda mallongigo: „ŭ“: la maŝinoj de LinoType elskatole havis ĉion necesan: flosantajn cirkumflekson kaj hoketon [18]; la kromsignon super la esperanta litero ŭ oni tradicie nomas (ronda) hoketo […], anstataŭ ronda hoketo la vortaro angla-esperanta (Benson 1995) proponas la neologismon brevo [19]; la diakritilo ˘, i.a. la supersigno de la Esperanta ŭ, rondigita hoketo kutime indikanta mallongan prononcon de vokalo [20]. VD:ŭ
b)
Pinta hokforma kromsigno kiel tiu super c ĉe ĉeĥa litero č, unikoda mallongigo: „č“: oni ne distingas dum legado specialajn diakritajn signojn (akutan supersignon, cirkumflekson (pintan hoketon), haĉekon (vo-hoketon) ktp) [21]; anstataŭ pinta hoketo PIV havas la esprimon duobla korno, kiun Benson 1995 ŝanĝis al dukorno [22].
13. trad. L. L. Zamenhof: La Malnova Testamento, Eliro 26:6
14. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Neĝulino kaj Rozulino
15. Stellan Engholm: Homoj sur la tero, La nepo
16. Mihail Bulgakov, trad. Sergio Pokrovskij: La majstro kaj Margarita, 4
17. Mark Twain, trad. Dorothea kaj Hans-Georg Kaiser: La Aventuroj de Tom Sawyer, ĉap. 5
18. Monato, Paul Peeraerts: Komposta revolucio kaj presada stabileco, 2004
19. E. Grimley Evans: nomoj de kromsignoj , ronda hoketo, pinta hoketo
20. S. Pokrovskij: lunarko Sergio Pokrovskij: Komputada Leksikono
21. Monato, Julius Hauser: Egalaj problemoj, egalaj zorgoj, 2014
22. E. Grimley Evans: nomoj de kromsignoj , ronda hoketo, pinta hoketo
angle:
2.a breve 2.b caron, hacek, wedge, inverted circumflex, inverted hat
ĉeĥe:
2.b háček
germane:
Häkchen 2.a Breve, Kürzezeichen marki per ~eto: abhaken. 2.b Hatschek, Haček
itale:
2.a breve (fon.) 2.b pipa (fon.), accento anticirconflesso, hacek
katalune:
2.a breu (signe) 2.b anticircumflex, hàtxec
latinece:
2.a brevis
pole:
2.a brevis 2.b daszek
ruse:
2.a кратка
serbe:
2.b kvaĉica

hokingo

Peco kun truo en kiu oni fiksas hokon: li ekkaptis la riglilon kaj mallaŭte, neaŭdeble, ŝovis la hokon en la hokingon [23].
23. Fjodor Dostojevskij, trad. Andrej Parfentjev: Krimo Kaj Puno , Parto 1 Ĉapitro VII
angle:
eye (hook)
beloruse:
вушка (пад крук)
france:
l'œillet
germane:
Öse

fiŝhoki

(tr)
Fiŝĉasi per hokfadeno: sovaĝaj grizaj kornikoj en Israelo lernis uzi panerojn por fiŝhoki [24].
24. Vikipedio, Korvo
angle:
fish, go fishing
beloruse:
вудзіць, лавіць вудай
bretone:
pesketa (war-bouez un higenn)
ĉine:
垂釣 [chuídiào], 釣 [diào], 釣魚 [diàoyú]
france:
pêcher (à la ligne)
germane:
angeln
hungare:
horgászik
itale:
pescare (prendere all'amo)
japane:
つる
katalune:
pescar (amb canya)
nederlande:
vissen, hengelen
pole:
wędkować, łowić ryby na sznur haczykowy
portugale:
fisgar
ruse:
удить рыбу
ukraine:
вудити рибу, ловити рибу (вудкою)

*pordhoko

TEK Fera akseto, kiun oni fiksas ĉe pordofosto kaj ĉirkaŭ kiu turniĝas ringo (pordhokringo) aŭ cilindro, fiksita ĉe la klapego de pordo aŭ fenestro: la grizulo trapasante alkroĉiĝis al la pordohoko kaj peceto da felo elŝiriĝis [25]; la pordhokoj kaj la seruro estis rustiĝintaj kaj funkciis malbone, sed mi venkis la malfacilon IK . VD:ĉarniro
25. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Neĝulino kaj Rozulino
angle:
door hinge
beloruse:
стрыжань завесы
ĉeĥe:
dveřní pant, stěžeje, závěs dveří
ĉine:
門鉸 [ménjiǎo], 枢 [shū], 門樞 [ménshū]
france:
gond
germane:
Türangel
hungare:
sarokvas (csap), ajtópántcsap
japane:
肘金 [ひじかね]
pole:
zawiasa
ruse:
стержень дверной петли
slovake:
pánt, záves dverový
ukraine:
дверна завіса

ŝlosilhoko

Hokforma ilo, por malfermi seruron sen la koncerna ŝlosilo: mia dirko, la ŝlosilhoko en la plandumo de mia ŝuo, kroĉe malŝlosos mian fuĝpordon [26].
ŝlosilhokaro
CC BY-SA 4.0  [27]
26. Harry Harrison : Naskiĝo de la Rustimuna Ŝtalrato, Ĉapitro 2
27. Andreas Pietzowski, propra foto: https://commons.wikimedia.org/wiki/File:Dietrich-set.jpg
angle:
picklock
beloruse:
адмычка
france:
crochet (de serrurier)
germane:
Dietrich (Werkzeug)

vesthoko

Hoko per kiu oni pendigas jakon, mantelon kaj similajn: sub la vesthokaro kuŝis vintra ĉapo MkM .
beloruse:
вешалка (для адзеньня)
france:
patère

hokfadeno, hokŝnuro

Fadeno provizita per hoko(j) por fiŝkapti: hodiaŭ ni veturas fiŝhoki ‐ ĉasi fiŝojn per hokfadeno [28]; „la Ĝojo“ projektas reinvesti siajn profitojn en la akirado de dua barko, kiu specialiĝos en la fiŝkaptado per hokfadeno [29].
28. Hoko , paragrafo 3
29. Monda Solidareco kontraŭ Malsato Projekto N°: 96.09.TG
angle:
fishing line
beloruse:
лёска
bretone:
linenn (evit pesketa)
ĉine:
釣絲 [diàosī]
france:
ligne (pour la pêche)
germane:
Angelschnur, Angelleine
hungare:
damil, horgászzsinór, horgászzsineg
itale:
lenza, palamito, corona (lenza)
japane:
釣り糸 [つりいと]
katalune:
llinya, canya de pescar
nederlande:
vislijn, vissnoer
pole:
sznur haczykowy, żyłka wędkarska
portugale:
linha de pesca
ruse:
леска
ukraine:
вудка

administraj notoj

pri pord~o: 
    PIV1 citas plurajn ekzemplojn
    de "hoko" sola kun la senco "pordhoko".
    Cetere "~hokringo" estas stranga. Mi ne vidas tiun ĉi
    parton de la ĉarniro kiel ringon, sed ja prefere kiel ingon.
    Supozeble temas pri tajperaro en PV. GDFE subtenas tiun
    impreson, tradukante fr. "paumelle" al "pordohokingo". Tiu
    termino meritas apartan drv.
    [MB]
pri ~fadeno, ~ŝnuro: 
Prefere ŝovu al faden; ŝnur/
ŝlosil~o : Mankas verkindiko en fonto.