surf/o ^SPV

surfo

1.: Frapado de ondoj leviĝantaj, frakasiĝantaj kaj refluantaj ĉe marbordo: ĉirkaŭ la piedoj de la monto murmuris la surfo, la akvomaso altiĝis kaj refalis, ondis kontraŭ la rokoj kaj remalaltiĝis kvazaŭ granda vivanta estaĵo [1]; trahakis la ŝipestro la glacion ĉirkaŭ la ŝipo kaj atendis, ĝis kiam venos „la surfo“, nome la printempa alfluo [2]; (figure) mola sono kiel surfo, kuŝis sube de l' konversaciado [3]. ondofrapadoplaŭdejo
2.: La ŝaŭma rompiĝanta kresto de ondo, altiĝanta pro malprofunda akvo ĉe marbordo: feliĉaj banoj en la surfoj [4]; [ŝi] rigardis al la maro, al ŝaŭmaj surfoj, kurantaj sur ondoj [5].

1. Tove Jansson, trad. Sten Johansson: Muminvalo, La patro kaj la maro 2, La lumturo, [vidita je 2006-02-27]
2. Jan Welzl, trad. Moraviaj esperanto pioniroj: Tridek jarojn en la ora nordo, Olomouc, 1931
3. Domo de l' Se, esperanto.us
4. Vikipedio, Ĉapelo de la sorĉisto
5. Jurij German, trad. Jurij Finkel: Rusio juna, 5. Dronis la hakilo

1.: Gliti sur surfo ekzemple per surfotabulo: konataj plaĝoj por surfi [6]; (figure) [ili] surfas sur la ondoj de homaro dum koncerto [7]; (figure) tiu faŝista partio surfas sur la ondo de la depresio kaj timo pro enmigrado [8].
2.: Retumi: sekvan fojon kiam vi surfos en la reto, ne forgesu viziti la paĝon […] [9].

Rim.: Laŭ BL: Prefere diru ondorajdi, tabulveli.

6. R. Mattos: Drama Menina, Ĝangalo, Liberspaco, [2005-07-15]
7. Hotel Desperado, Facebook
8. Ĉu mi hontos pro miaj samlandanoj
9. L. S.: Komento, Eventoj 1997-03, numero 121a