^*religi/o ^UV

Idearo kaj praktiko de rilatoj inter la homo kaj la transmondo, supernaturaj estuloj, vivo kaj morto, la bazaj valoroj kaj moroj: etna, monda, ŝtata religio; ĉian ofendadon aŭ persekutadon de homo por tio, ke li naskiĝis de alia gento, kun alia lingvo aŭ religio ol mi, mi rigardas kiel barbarecon [1]; en mia infanaĝo mi kredis je Dio, kaj je senmorteco de l' animo, en tiu formo, en kiu instruas mia denaskiĝa religio [2]; en la lasta tempo oni ofte parolis […] pri la nova religio, kiu jam disvastiĝis en ĉiuj pli sudaj landoj [3]; ĉiuj ekzistantaj religioj parolas pri kunfandiĝo de la homaro [4]. budaismo, islamo, judismo, kristanismo, paganismo. eklezio, fido, konfesio, kulto, rito, sekto

Apartenanta al la religio, koncernanta la religion: religia preskribo [5]; [ili] plenumis la religiajn ceremoniojn ĉe la dioj [6]; religia komunumo [7]; religia fanatikemo [8]; religia sekto malamika kun la jezuitoj [9]; sub preteksto de servado al la vero, pro maltolero, perforto kontraŭ disidentoj [okazis] religiaj militoj, ekscesoj en krucmilitoj, perfortaj metodoj dum la inkvizicio ^Monato ; „agu kun aliaj tiel, kiel vi deziras ke aliaj agu kun vi, kaj aŭskultu ĉiam la voĉon de via konscienco“, ĉion alian en mia religio mi rigardas nur kiel legendojn aŭ kiel religiajn morojn [10].

Donanta al religio gravan lokon en sia vivo: ŝi estis pli politikema, ol religiema [11]; ĉiu fariĝas religiema en danĝero, kiam ĉiuj teraj helpoj ŝajne malebliĝas [12]; konsenti suferi aŭ morti pro ideoj, tio ja signas ian religieman spiritostaton [13]. piabigota

1.

Homo serioze kaj profunde religia: ĉiu vera religiulo, humanisto aŭ framasono, kiu el la anaro de la parolantoj kaj revantoj transiras al la anaro de la efektivigantoj, fariĝas per tio „homarano“ [14]; „Liberiga Stelo“ forpuŝas el sia mezo militistojn kaj dogmajn religiulojn [15]; kiuj neniam aŭdas alian vidpunkton, ol tiun, kiu estas defendata en la organoj de ilia partio, tiuj riskas fariĝi kredemuloj, similaj al religiuloj [16].

2.

(evitinde) Ano de religia ordeno aŭ kongregacio; monaĥo.

Rim.: Tiusenca vortuzo estas nelogika kaj nekomprenebla por ne-okcidentano. [Sergio Pokrovskij]

Tiu, kiu havas alian religion ol la koncernato: konsekvence ĉiu religio devas rigardi ĉiujn alireligiulojn kiel pekantojn kontraŭ la ordonoj de Dio [17].

Kiu malfavoras religiojn, kontraŭas ilian influon kaj parolon en socio: nia generacio havis aŭ tradician religion, aŭ tiun alian religion, kiu estis kontraŭreligia sciencismo [18].

Ano de la sama religio kiel aliaj koncernatoj; samkonfesanto: la konfesantoj de unu religio estas samreligianoj [19].

Homo, kiu religion ne havas, ne agnoskas, ne praktikas: infano de oficiale deklarita senreligiulo neniam povas havi en la koro tian feliĉon, tiun varmon, kiun al aliaj infanoj donas la preĝejo, la tradiciaj moroj, la posedado de Dio en la koro [20]. agnostikulo, sendiulo